إزاي تبدأ متجر إلكتروني في مصر: الدفع والشحن وكل اللي محتاجه

البيع أونلاين في مصر بقى أسهل من أي وقت، لكن المتجر الناجح محتاج أكتر من شوية صور ومنتجات. دي الحاجات اللي لازم تفكر فيها قبل الإطلاق.

1. طرق الدفع اللي العميل المصري بيثق فيها

العميل المصري عايز يختار الطريقة اللي تريحه، فكل ما وفرت اختيارات أكتر، كل ما بعت أكتر:

• الدفع عند الاستلام: لسه أكتر طريقة مطلوبة، خصوصًا مع العملاء الجداد.
• إنستاباي وفودافون كاش: سريعة ومنتشرة جدًا.
• البطاقات البنكية: من خلال بوابة دفع إلكتروني. أغلب بوابات الدفع بتطلب أوراق رسمية للنشاط التجاري، فجهزها بدري.

2. الشحن

قرر هتشحن إزاي قبل ما تفتح المتجر. ممكن تبدأ بمندوب خاص، أو تتعامل مع شركة شحن زي بوسطة أو أرامكس أو مايلرز. والأهم إن متجرك يحسب سعر الشحن صح حسب المحافظة أو المنطقة، عشان متخسرش في كل طلب للمحافظات البعيدة.

3. صفحات المنتجات

صفحة المنتج هي البياع بتاعك. لازم يكون فيها صور واضحة، ووصف بالمقاسات أو المواصفات، والسعر، والكمية المتاحة. ولو منتجك ليه مقاسات أو ألوان، المتجر لازم يدير المخزون لكل واحد منهم لوحده.

4. لوحة تحكم بسيطة

إنت محتاج تشوف الطلبات الجديدة، وتغير حالتها (اتشحن، اتسلم)، وتضيف منتجات، وتعرف المخزون — من غير ما ترجع للمبرمج في كل حاجة.

5. حاجات بتزود المبيعات

• كوبونات الخصم وقسائم الهدايا للمواسم زي رمضان والعيد والجمعة البيضاء
• تقييمات العملاء على المنتجات
• رسالة تذكير للعميل اللي ساب منتجات في السلة ومكملش
• بيكسل فيسبوك وجوجل عشان إعلاناتك تعرف مين اشترى فعلًا

6. الثقة

اكتب سياسة الاسترجاع والاستبدال بوضوح، وحط رقم واتساب ظاهر، وخلي العميل يتابع طلبه بنفسه. العميل اللي حاسس بالأمان بيشتري تاني.

ابدأ صح من الأول

متاجر زي Medo Store وARIZOO اللي نفذناها فيها الحاجات دي من أول يوم. وباقة Deviora Commerce عندنا شاملة الدفع الإلكتروني والدفع عند الاستلام، والشحن حسب المنطقة، والكوبونات، ورفع أول 50 منتج، وإعداد إعلانات جوجل وميتا مع كتالوج المنتجات — والدومين والاستضافة لسنة كاملة.